العزيمة الحلبونية

[Gladiator]

وردت رسالة لجهازي الجوال من السيد عمران حسن صباح يوم الجمعة الساعة الواحدة والنصف ليلا مفادها:


شو رأيك تطلع بكرا لعندي ..... فكر ثم رد





طبعا أنا فكرت ثم قمت بالتعليم لعمران حسن الساعة 2.15 فجرا خشية أن يكون نام فلم يجب ومن الساعة 10 صباحا حتى الثانية ظهرا أحاول الاتصال وجواله مغلق فبعثت له رسالة ... إذا فاضي نزيل لعندي نطلع ع عين الفيجة سوا


فورد تقرير تسليم الرسالة الساعة الخامسة عصرا موعد فتح السيد عمران موبايله ولم يتصل طبعا


بعد نصف ساعة اتصلت عليه وسألته عن عدم رده و إغلاقه جواله فتحجج أنه بكل مطار دمشق الدولي لا يوجد شاحن نوكيا وقد فتل حلبون محل محل حتى استطاع استعارة شاحن مستعمل مهتري من كتر القتل بسبب وجود شواحن زيادة بحلبون زهرة سوريا



طبعا وقد سحب مشروع الطلعة لحلبون و تحجج بتعبه و تأخر الوقت (ال5 عصرا) لموعد النزلة ع الشام رغم إلحاحي له بالنزول للشام للذهاب لعين الفيجة وقلت له يمكن أن تعود ع ال12 بالليل لحلبون فأجابني بالحرف : شو مفكر حلبون متل المزة تلاقي سير إلها ع الساعة 12 بالليل



طبعا نستخلص النقاط التالية للعزيمة الحلبونية:


1- تتم الدعوة من بعد الساعة 12 ليلا (ضيف الهوا من ال12 و ورا)


2- تتم بواسطة رسالة كون تكلفتها 4 ل.س في حين أن الاتصال قد يستمر لأكثر من دقيقتين فبتالي أقل تكلفة للدعوة هي 8 ل.س

3- تدعو ...... ثم لا ترد ..... ثم تطفأ جوالك وتلاقي حجة كحجة عمران حسن


4- فيها من الكلام ما قل و دل وبدون أي تكريك أو إلحاح بالطلب بغية أن يصدق المدعو

5- تعتمد مبدأ المشاورة و آل إذا بدك تحرمو شاوروووو

6- تفقس و تتحجج بأي عذر كمان كعمران حسن



فتفضلو بقبول العزيمة الحلبونية
مــــــــــــــــــع فائق الاحترام

[الشــ درة ــرق]

اي :eek: :biggrin: :eek: والنعم والله

بجد رح مووووووووووووت من الضحك

أما شو عزيمة ......... بتاااخد العئل

كمان كمان احكيلنا عن فصول ومئالب التمساح الحلبوني :biggrin:

منشاااااااااااان تلائي الخبر خلال 5-6 ثواني مطروش طرش عند البطات الحلوات :tongue:

(على فكرة .. عنا بالشام العزيمة بهالطريئة منئلها العزيمة الشاغورية ..سمعان عنها؟؟
بيئولوا فيها : تاكل عنا والا بالمطعم أطيبلك؟.. تنام عنا والا بالأوتيل أريحلك ,,؟؟؟؟):biggrin::biggrin:

بس والله يا عمران انتشر غسيلك على ايدين لمصارع يعني وئعت وما حدى سمى عليك

موقف ما بتنحسد عليه أبداً :cool:

يالله ورجينا لشوف شلون رح تطلع منها وتخلص من تعليقات البطات اللزيزات خخخخخخ

[Gladiator]

الله وكيلك وكيل السما و الأرض يا أختي هاد يلي صار وألتلو رح انشرها بالمنتدى ويلك إذا بتحزفها


أنو أنتي شو بدك بهل الحكي
(على فكرة .. عنا بالشام العزيمة بهالطريئة منئلها العزيمة الشاغورية ..سمعان عنها؟؟
بيئولوا فيها : تاكل عنا والا بالمطعم أطيبلك؟.. تنام عنا والا بالأوتيل أريحلك ,,؟؟؟؟)


لك يا عمو لا تفتحي مجال لحدا يحكي


ع كل حال تاريخيا .... الشاغور منطقة مترامية على اسوار دمشق القديمة


مشان ما يفكر حدا يحكي



علا و غلا بدرة الشرق وناطر تعليقاتكم ع العزيمة الحلبونية ..



وينو هاد ابن الخطيب وشركاؤه آل شو أموت و تحيا حلبون آل

[يوسف منصور]

أول شي شكرا للمصارع على هالسكيتش الحلو

بس ليش ما حاولت تحطلو أعذار لعمران وخصوصا

انو هو اللي عزمك من حالو ومو انت اللي طلبت هالشي

ولو بتعرف ليش هو تهرب من النزلة بعدين كنت عذرتو

بس أكيد الحق على عمران لأنو كان لازم يحمل معو

بريز كهرباء وشاحن وين ما يروح لانو ما بيصير حدا ينطفى

جوالو وخصوصا اذا كان مواعد شامي

وأصلا ما كان لازم يخسر 4 وحدات لانو لو فكر شوي

كان علملك تعليم وشوف الكرم الشامي بعدا

بتعرف بس شو هو أكتر شي ضحكني بالقصة

انو خلت بطة وشامي يحكو على حلبوني

وهاذ هو بيت القصيد

[ناني]

هههههههههههههههه

شو هاااااااد

يعني الموالي بخيل متل ما بيقولو

وع فكرة صايرة هالعادة تتكرر هاليومين بكترة

بس بدو يبين الشهامة وعرض الصدر

بس للاسف

- تعتمد مبدأ المشاورة و آل إذا بدك تحرمو شاوروووو

بصراحة بموووووت من الضحك ع المقلب اللي ماكلو عمو المصارع

ع العموم نشرت غسيلو العمر عمران

ما كان لازم والله

يعني المسامح كريم

ولا كنت تردلو ياها وقت تاني

ههههههههه

يسلموا

[sam]

والله أنا شاهد عيان أنا اللي طلعت لحلبون شفت
يعني كانوا بدون يتوروني على بيوت الضيعة بيت بيت وكل واحد يشدني من طرف
وبدون يغدوني مرتين وإجا السائق تبعي صارو بدون يكرموه كأنو رئيس الوزارة
إي واللي ما صحلو يكون موجود ( عمران حسن ) اتصل بالجوال مع نص أهل حلبون
وأعتذر مني ألف مرة لأ ليش ألف ألف ومية وتشعطعشر مرة

وين يا شامي يا أبن اشامي جاي تحكي ؟ وين؟
على العموم مازالت دعوت على عين الفيجة وهوي النهر حامل قائمة
ومشان وفر عليك أجار الرجعة على الشام

[Gladiator]

أول شي شكرا للمصارع على هالسكيتش الحلو



دليل تقبل على مضدد



بس ليش ما حاولت تحطلو أعذار لعمران وخصوصا

انو هو اللي عزمك من حالو ومو انت اللي طلبت هالشي



مشكلتو ما بيعرف ليش عمران عزم




ولو بتعرف ليش هو تهرب من النزلة بعدين كنت عذرتو


للمرء الظاهر فقط




بس أكيد الحق على عمران لأنو كان لازم يحمل معو

بريز كهرباء وشاحن وين ما يروح لانو ما بيصير حدا ينطفى

جوالو وخصوصا اذا كان مواعد شامي



يوجد نزعة عنصرية اتجاه الشوام واضحة بالكلام




وأصلا ما كان لازم يخسر 4 وحدات لانو لو فكر شوي

كان علملك تعليم وشوف الكرم الشامي بعدا


تأكيد على التفكير المادي البحت لدى الحلبونية وهو أمر تجاوز حد المقبول و المعقول




بتعرف بس شو هو أكتر شي ضحكني بالقصة

انو خلت بطة وشامي يحكو على حلبوني



الحلبوني بعين حالووووووو غزاااااااااااااال و تكرير للنزعة العنصرية

وهاذ هو بيت القصيد




وردك الرد أخ يوسف منصور

تقبلته بود .... تقبل بود رأيي

[Gladiator]

هههههههههههههههه

شو هاااااااد

يعني الموالي بخيل متل ما بيقولو

وع فكرة صايرة هالعادة تتكرر هاليومين بكترة

بس بدو يبين الشهامة وعرض الصدر

بس للاسف

- تعتمد مبدأ المشاورة و آل إذا بدك تحرمو شاوروووو

بصراحة بموووووت من الضحك ع المقلب اللي ماكلو عمو المصارع

ع العموم نشرت غسيلو العمر عمران

ما كان لازم والله

يعني المسامح كريم

ولا كنت تردلو ياها وقت تاني

ههههههههه

يسلموا




حاشى وكلا أنو أنشر غسيل حدا وبالعكس أنا خبرت عمران قبل ما أنشر أنو راحت عليك و رح أنشر

الموضوع يا أخت ناني أنو هاد شي صار وتمت الصياغة ع الشكل اللي عرض عليه

بس شو بدي أحكي .......... مسكين عمران حسن


ع كل حال أرجو أن تكونو مبسوطين و عمران أكتر من أخ ولو ما في مونة بينا ما كنا بنحكي بهيك صراحة أنا وياه

[Gladiator]

والله أنا شاهد عيان أنا اللي طلعت لحلبون شفت
يعني كانوا بدون يتوروني على بيوت الضيعة بيت بيت وكل واحد يشدني من طرف
وبدون يغدوني مرتين وإجا السائق تبعي صارو بدون يكرموه كأنو رئيس الوزارة
إي واللي ما صحلو يكون موجود ( عمران حسن ) اتصل بالجوال مع نص أهل حلبون
وأعتذر مني ألف مرة لأ ليش ألف ألف ومية وتشعطعشر مرة

وين يا شامي يا أبن اشامي جاي تحكي ؟ وين؟
على العموم مازالت دعوت على عين الفيجة وهوي النهر حامل قائمة
ومشان وفر عليك أجار الرجعة على الشام



لا تعليق


المعنى بقلب عمران


مرورك طيب و عطرك طيب

[الشــ درة ــرق]

بس أكيد الحق على عمران لأنو كان لازم يحمل معو

بريز كهرباء وشاحن وين ما يروح لانو ما بيصير حدا ينطفى

جوالو وخصوصا اذا كان مواعد شامي

وأصلا ما كان لازم يخسر 4 وحدات لانو لو فكر شوي

كان علملك تعليم وشوف الكرم الشامي بعدا

بتعرف بس شو هو أكتر شي ضحكني بالقصة

انو خلت بطة وشامي يحكو على حلبوني

وهاذ هو بيت القصيد


أول شي بدي اعتزر من الأخ المصارح لأني سمحت لنفسي اقتبس بموضوعو ورح رد على صاحب هالتعليق ..


سوري منك أخ يوسف منصور بس مو حلوة طلع منك هالحكي عن الشوام ..

واللي خلاني احكي إنو هون بالمنتدى ما تعودنا على النزعة العنصرية الواضحة بكلامك

بتصور إنك مو أحسن من الشوام اللي عم تحكي عنهون ولا هنن أحسن يعني ما حدى أحسن من حدى :cool:

وإن شاء الله نحن الكل هون إخوة في الله ..

[Gladiator]

أول شي بدي اعتزر من الأخ المصارح لأني سمحت لنفسي اقتبس بموضوعو ورح رد على صاحب هالتعليق ..


سوري منك أخ يوسف منصور بس مو حلوة طلع منك هالحكي عن الشوام ..

واللي خلاني احكي إنو هون بالمنتدى ما تعودنا على النزعة العنصرية الواضحة بكلامك

بتصور إنك مو أحسن من الشوام اللي عم تحكي عنهون ولا هنن أحسن يعني ما حدى أحسن من حدى :cool:

وإن شاء الله نحن الكل هون إخوة في الله ..

أردتي الرد فأبدعتي

أجبتي فحسنت أناملك على ما خطت

عكستي تربية و أصل تمدحي به

أرفع القبعة وأرجو منكي أن تتقبلي مروري على ردكي بكل ود و احترام

[الغزال الأبيض]

السلام عليكم ورحمة الله وبركاته

ولله ما كنت مفكر أنه عمران يعمل هل الفصل بأخي المصارع
ولكن هل هذا الفصل مقصود ..الإجابة بقلب عمران

ولكن أريد أن أقول مثلاً شعبياً

التمس لأخيك سبعين عذراً
وانأ التمس 73 عذراَ
وقد وافاك في العذر بأن الجوال كان قد نفذ شحنه
وبين المشكلة

أنا رح قول المشكلة وين

عمران أتصل فيك وقلك منشان تطلع لعنده
أنت قلت لحالك من عدل الطلعة لعين الفيجة
قمت بالتعليم لعمران لتعديل الموعد وتخشى وتخاف إزعاجه لانك تحبه
معلش خيو كنت صحيه وخليه يصحى من نومه
هون الحق عليك .. لازم تحط إحتمال ينسى جواله أو يخلص الشحن متل ماصار
وتابعة الموضوع في صباح ..وهذا دليل محبتك لعمران الغالي
وأرسلت له رسالة و قد تلقاها حسب التقرير الذي ورد إلى جهازك
وأنت انتظرت انتظرت انتظرت فنفذ صبرك واتصلت بعمران
وعمران أورد أعذاره
تعبان تأخر الوقت البحث عن شاحن جوال ..ولله معه حق
.
.
.

المفاد من كل هل الحكي انت مقهور لأنه ما قدرت تشوف عمران حسب ما خططت و أردت
يعني من إشتياقك إلى عمران أنقهرت
لانك ما شفته
صح ولا مو صح
وكمان عمران أكيد نفس الشعور بس كان وضعه صعب وبدي يرجع من المطار ورح يكون تعبان أكيد
لذالك أراد إلغاء الموعد من أجلك







طبعا نستخلص النقاط التالية للعزيمة الحلبونية:


1- تتم الدعوة من بعد الساعة 12 ليلا (ضيف الهوا من ال12 و ورا)


ليش لأ يعني انت لو أشتقت لعمران في هل الوقت أكيد كنت مارح تقصر وتخبره

2- تتم بواسطة رسالة كون تكلفتها 4 ل.س في حين أن الاتصال قد يستمر لأكثر من دقيقتين فبتالي أقل تكلفة للدعوة هي 8 ل.س
كمان هو ما أراد أن يزعجك قد تكون نائم لانه يخاف وبخشى إزعاجك ..وكمان انت نفس الشي

3- تدعو ...... ثم لا ترد ..... ثم تطفأ جوالك وتلاقي حجة كحجة عمران حسن

حجة معقولة ومقنعة .. انا محلك براعي شعوره لان صار معاه هل الشي

4- فيها من الكلام ما قل و دل وبدون أي تكريك أو إلحاح بالطلب بغية أن يصدق المدعو

كانت النية فيها كل خير

5- تعتمد مبدأ المشاورة و آل إذا بدك تحرمو شاوروووو
يعني شم ولا تذوق ولما بدك تذوق ما تلاقي شي .. راح الموعد

6- تفقس و تتحجج بأي عذر كمان كعمران حسن

ياريت كون متل عمران وأتحجج متله

فتفضلو بقبول العزيمة الحلبونية
مــــــــــــــــــع فائق الاحترام





الخيره فيما أختاره الله .. قال تعالى ( وعسى أن تكرهوا شيئا" وهو خير" لكم وعسى أن تحبو شيئا" وهو شر" لكم )

أخي المصارع مشاركتك هذه تدل على الوداد بينك وبين أخي عمران ما شاء الله عليكم

رأيت فيها معاني الصداقة الصدوقة

الله يديم المحبة بينكم

وانا كمان جاي على بالي أعزمك عزيمة حلبونية وشامية كمااان

هع هع

[عمران حسن]

السلام عليكم ورحمة الله وبركاته
اولا اشكركم جميعا سواء من كان في صفي او في الصف المناوء (ان صح التعبير ) ههههه

ثانيا يجب توفر وجهة نظر الطرفين حتى يتم الحكم مو هيك بيقولو يا سيد مصارع

القصة الحقيقية هي كالتالي

يوم الخميس حوالي الساعة ال 2:08 ليلا ارسلت رسالة للسيد احمد

" شو رايك تطلع لعندي بكرة فكر ورد علي خبر ""

طبعا ما اتصلت خفت يكون نايم ومو حلوة اتصل فيه الساعة 2.00 ليلا
قلت الرسالة اضمن بيفيق الصبح بيقراها وبيحكي معي

المهم السيد احمد علملي عالجوال الساعة شي 2.30 ليلا وما انتبهت عليها كون التعليمة يادوبو الجوال اشتغل الضوء فيه مع انني كنت سهران لسا

الصبح طلعت عالمطار وشفت التعليمة تبع احمد ومافيه اي رسالة او اي خبر عن التفكير تبعو

وبما انني بستعمل الجوال للدخول عالنت والماسنجر ففصل الجوال معي حوالي الساعة 12.5 ظهرا وماتمكنت من شحنه لان شاحنه من نوع خاص

فقلت لحالي اكيد احمد مارح يطلع لعندي الا بعد الصلاة وانا بكون بحلبون
واذا اتصل فيني ومالقاني رح يتصل فورا بعمر الخطيب ابو انس (طبعا هذا اذا نوى يطلع )

المهم رجعت عالبيت حوالي الساعة 3.00 و فورا شحنت الجوال واتصلت باحمد " رن رن رن رن رن "" لاحياة لمن تنادي واجتنب رسالة باعثها لي حوالي الساعة 1.00 "" ونصها "

شو رايك تطلع لعندي بعد الصلاة "

ملاحظة هي نفس الرسالة الي بعثتلو ياها بس معدل فيها شوي وارسلها الي

المهم اتصلت فيه ومارد علي ( طبعا هو ماذكر هالنقطة انني اتصلت فيه )

بعد شوي شي 10 دقائق اتصل فيني وطلبت والحيت عليه بالقدوم لحلبون لان الطقس والمنظر لايفوت وعزمته على الجنة (حلبون )
طبعا عزيمة جدية ومابقى الا بوس ايديه فصار يتحجج بحجج واهية وطلب مني انو انزل لعنده نطلع على عين الفيجة
متل اللي عم يعزم واحد لعند شخص ثالث
المهم انا رفضت لانني البادئ بالعزيمة وما لبى طلبي وطبعا كررت العزيمة ووعد احمد بتلبيتها في الجمعة القادمة وعالوعد ياكمون

اما ماذكر من تكلفة الرسالة ووووووووووو فاقول له يا احمد انــــــــــــــــــــــــــــــــــــــــا من حلـــــــــــــــــــــــــــــــــــــــــبون

وبتعرف شو يعني من حلبون

يعني لغة الارقام لانحسب لها حســـــــــــــــــــــــــــــــــــاب

والسلام ختام

وهي انتم شاهدين اذا مالبى الدعوة الجمعة القادمة

[ناني]

ههههههههههههههه

لكان هيك يا عمو المصاااارع

بصصراحة كنا ضالمين الزللمة ولك ما بيصير هيك

الموووووهم

انت الان ع الموعد الجمعة القادمة بيضها مع الرجااااال اي

تمنياتي لكما برحلة سعيدة

بالتوفيق

[Gladiator]

السلام عليكم ورحمة الله وبركاته


ولله ما كنت مفكر أنه عمران يعمل هل الفصل بأخي المصارع

وجود شكوك تساور الغزال


ولكن هل هذا الفصل مقصود ..الإجابة بقلب عمران

ولكن أريد أن أقول مثلاً شعبياً

التمس لأخيك سبعين عذراً
وانأ التمس 73 عذراَ
وقد وافاك في العذر بأن الجوال كان قد نفذ شحنه
وبين المشكلة

رب ضارة نافعة.... و على مبدأ يا جامع أنت مسكر وأنا مستأيل الهم

أنا رح قول المشكلة وين

عمران أتصل فيك وقلك منشان تطلع لعنده
أنت قلت لحالك من عدل الطلعة لعين الفيجة
قمت بالتعليم لعمران لتعديل الموعد وتخشى وتخاف إزعاجه لانك تحبه
معلش خيو كنت صحيه وخليه يصحى من نومه
هون الحق عليك .. لازم تحط إحتمال ينسى جواله أو يخلص الشحن متل ماصار

بزمتكم شو بدي رد عليه ؟؟؟ آل هون الحق علي آل

وتابعة الموضوع في صباح ..وهذا دليل محبتك لعمران الغالي
وأرسلت له رسالة و قد تلقاها حسب التقرير الذي ورد إلى جهازك
وأنت انتظرت انتظرت انتظرت فنفذ صبرك واتصلت بعمران
وعمران أورد أعذاره
تعبان تأخر الوقت البحث عن شاحن جوال ..ولله معه حق

أشتم رائحة أحزاب مناوأة كما سيأتي لاحقا من المدعى عليه (عمران)
.
.
.

المفاد من كل هل الحكي انت مقهور لأنه ما قدرت تشوف عمران حسب ما خططت و أردت
يعني من إشتياقك إلى عمران أنقهرت
لانك ما شفته
صح ولا مو صح

العتب على قدر المحبة وكلامك أكيد

وكمان عمران أكيد نفس الشعور بس كان وضعه صعب وبدي يرجع من المطار ورح يكون تعبان أكيد
لذالك أراد إلغاء الموعد من أجلك

هون ما خرط مشطي حكيك بنووووووووب











الخيره فيما أختاره الله .. قال تعالى ( وعسى أن تكرهوا شيئا" وهو خير" لكم وعسى أن تحبو شيئا" وهو شر" لكم )

أخي المصارع مشاركتك هذه تدل على الوداد بينك وبين أخي عمران ما شاء الله عليكم

رأيت فيها معاني الصداقة الصدوقة

الله يديم المحبة بينكم

وانا كمان جاي على بالي أعزمك عزيمة حلبونية وشامية كمااان

هع هع


تحياتي للغزال أحلى غزال وكم تمنيت أن يحلبها معنا صااااافي ولكنه خااااوس قليلا كما سيفيد الجاني عمران حسن

ع كل حال هات لنشوف شو قصدك بالعزيمة الشامية غزاااااااااااااااااال ....... احذر غضبي



مرورك طيب و عطرك طيب و أحلى غزال

[Gladiator]

السلام عليكم ورحمة الله وبركاته
اولا اشكركم جميعا سواء من كان في صفي او في الصف المناوء (ان صح التعبير ) ههههه

تأكيد على النزعة العنصرية

ثانيا يجب توفر وجهة نظر الطرفين حتى يتم الحكم مو هيك بيقولو يا سيد مصارع

ومنكم نستفيد..... مع ملاحظة الارتباك لدى عمران شوي بقول المصارع شوي أحمد... لك بشرفي رح تخربطني باسمي.... روووووح كمل لشوف

القصة الحقيقية هي كالتالي

أبناء حلبون - بكلمتك - بتقصد هم الصادقووووووون دووووما؟؟؟

يوم الخميس حوالي الساعة ال 2:08 ليلا ارسلت رسالة للسيد احمد

مقاطعة بقصة : آل مرة واحد مدّين مصاري من واحد وهو بيشتغل بمدجنة صيصان فأجا وقت السداد و الرجال بدو يستمهل- ما معو مصاري- فراح لعند صاحب المال و قلو : يستر عرضك أجلني شوي لأنو نبارح مات عندي ألف صوص و صوص (1001) فالرجال أجلو واستجاب لطلبو . طبعا هو الزلمة ما متلو شي ولكن وقع كلمة ألف صوص و صوص و التأكيد ع الصوص خلاه يصدق فقلو أحد أصدقاؤو أنو ليش تقلو ألف صوص و صوص يعني خلص قلو ألف وبس فجاوبو : لالالالالا يا فهمان لو بقلو ألف ع الحد بيعرف أني كزاب لأنو يا زلمة معقول حدا يمتلو ألف صوص ع الحد فالصوص الي بعد الألف يلبس الأمر واقع الحقيقة ............ طبعا هاد بالنسبة للساعة 2.08ليلاً

" شو رايك تطلع لعندي بكرة فكر ورد علي خبر ""

خير الكلام - بالعزيمة الحلبونية - ما قل و دل

طبعا ما اتصلت خفت يكون نايم ومو حلوة اتصل فيه الساعة 2.00 ليلا

قبل شوي لسا كانت 2.08 ليش مرتبك يا عمران و تناقض حالك؟؟؟


قلت الرسالة اضمن بيفيق الصبح بيقراها وبيحكي معي

المهم السيد احمد علملي عالجوال الساعة شي 2.30 ليلا وما انتبهت عليها كون التعليمة يادوبو الجوال اشتغل الضوء فيه مع انني كنت سهران لسا

تأكيد من عمران على حرصي على عدم إزعاجه وهو لما حكيت معو قلي كنت نايم (بظرف نص ساعة تقريبا) وهو الآن يقول أنو كان فايق ......... كتير حاسك مرتبك يا عمران... لك عادية ولوووو روأ مالك أول حلبوني بيعمل هيك

الصبح طلعت عالمطار وشفت التعليمة تبع احمد ومافيه اي رسالة او اي خبر عن التفكير تبعو

وبما انني بستعمل الجوال للدخول عالنت والماسنجر ففصل الجوال معي حوالي الساعة 12.5 ظهرا وماتمكنت من شحنه لان شاحنه من نوع خاص

فاصل إعلاني: يوجد بالصين ماركات شواحن لكل الموبايلات بالدنيا كما تعلن الصين الصديقة أنها بأسعار رخيصة الثمن

فقلت لحالي اكيد احمد مارح يطلع لعندي الا بعد الصلاة وانا بكون بحلبون
واذا اتصل فيني ومالقاني رح يتصل فورا بعمر الخطيب ابو انس (طبعا هذا اذا نوى يطلع )

حلو التأويل و هاد دليل وجودك بالقلب وبتعرف شو بفكر جزئيا - يعني من كل حكيك ما حبيت غير هي

المهم رجعت عالبيت حوالي الساعة 3.00 و فورا شحنت الجوال واتصلت باحمد " رن رن رن رن رن "" لاحياة لمن تنادي واجتنب رسالة باعثها لي حوالي الساعة 1.00 "" ونصها "

شو رايك تطلع لعندي بعد الصلاة "

ملاحظة هي نفس الرسالة الي بعثتلو ياها بس معدل فيها شوي وارسلها الي

على قدر أهل العزم تأتي العزائم

المهم اتصلت فيه ومارد علي ( طبعا هو ماذكر هالنقطة انني اتصلت فيه )

بعد شوي شي 10 دقائق اتصل فيني وطلبت والحيت عليه بالقدوم لحلبون لان الطقس والمنظر لايفوت وعزمته على الجنة (حلبون )

حلبون بعين عمران جنة... كما يقول المثل الحلبوني

طبعا عزيمة جدية ومابقى الا بوس ايديه فصار يتحجج بحجج واهية وطلب مني انو انزل لعنده نطلع على عين الفيجة
متل اللي عم يعزم واحد لعند شخص ثالث

مشان الله وينو الشخص الثااااااااااالث؟؟؟؟؟ آل ثالث آل

المهم انا رفضت لانني البادئ بالعزيمة وما لبى طلبي وطبعا كررت العزيمة ووعد احمد بتلبيتها في الجمعة القادمة وعالوعد ياكمون

يعني بزمتكم هاد كلام بشجع الواحد يطلع؟؟؟ لك حاسس يا بدي روح يغتالني بجنتووو أو بدو عزيمة ع قولة فيروز : تعا ولا تجي

اما ماذكر من تكلفة الرسالة ووووووووووو فاقول له يا احمد انــــــــــــــــــــــــــــــــــــــــا من حلـــــــــــــــــــــــــــــــــــــــــبون

والنعم... و ع قولتك أنت ...تموت أنت (بعيد الشر طبعا) و تحيا حلبون

وبتعرف شو يعني من حلبون

بنرد بنأكد حلبون بعين عمران غزال و جنة

يعني لغة الارقام لانحسب لها حســـــــــــــــــــــــــــــــــــاب

والله شايفلك مو بس الأرقام مالها حساب عندكم

والسلام ختام

وهي انتم شاهدين اذا مالبى الدعوة الجمعة القادمة

رجع لعزيمة تحت التهديد .... لك بزمتكم حدا يكون مكاني ما بخاف يطلع لوحدو بعد هيك حكي؟؟


على كل حال
وردني اتصال من عمرن نبارح مفاده أنو : عمي أنا ما بحب كتر حكي ع الموبايل . بكرا بعد الصلاة بنزل من المطار وبنطلع سوا ع حلبون و السلام ختام

يعني شو بدي أحكي ؟؟؟ شايفلكم رح رد ألّف سكيتش ع هالاتصال آل شو: ما بحب أحكي كتير عالموبايل (طبعا لأنو متل ما قلتلكم حلبوني). أي وحياة ربي لما اتصل و حكى هيك حسيت حالي ممطلوب لشي فرع أمني ليحققو معي

وللعزيمة الحلبونية بقية....

[Gladiator]

ههههههههههههههه

لكان هيك يا عمو المصاااارع

بصصراحة كنا ضالمين الزللمة ولك ما بيصير هيك

الموووووهم

انت الان ع الموعد الجمعة القادمة بيضها مع الرجااااال اي

تمنياتي لكما برحلة سعيدة


بالتوفيق



اي خيتو مو مشكلة لنشوف عزيمة هالتعا ولا تجي وين حتودينا والله يستر

مرورك طيب و عطرك طيب

[sweetyjojo]

احسن شي انو علقتو وفجريتو العالم عليكون



احسن شي بلا عزايم ابدا


كل واحد بدو يروح عند التاني لا ينتظر عزيمته



لسا عمران عزمني و احمد ما رد علي



شيلونا من هالسيرة يااااااااااااااااااااااا



زعلت عليكون شلون العالم عم تضحك عالقصة




عمران بشكل او باخر انتشر غسيلو بالمنتدى



والمصارع بشكل او باخر طلعت عليه صفة المراوغة وتزييف الحقائق بعد رد عمران




بئا مو حلوة منكون انتو الاتنين تعملوا هيك



خلصونا و تعوا لنعزمنكن نحن على الفطور برمضان



شو رايكوووووووووووووووووووووووووووووون

[Gladiator]

احسن شي انو علقتو وفجريتو العالم عليكون



احسن شي بلا عزايم ابدا


كل واحد بدو يروح عند التاني لا ينتظر عزيمته



لسا عمران عزمني و احمد ما رد علي



شيلونا من هالسيرة يااااااااااااااااااااااا



زعلت عليكون شلون العالم عم تضحك عالقصة




عمران بشكل او باخر انتشر غسيلو بالمنتدى



والمصارع بشكل او باخر طلعت عليه صفة المراوغة وتزييف الحقائق بعد رد عمران




بئا مو حلوة منكون انتو الاتنين تعملوا هيك



خلصونا و تعوا لنعزمنكن نحن على الفطور برمضان



شو رايكوووووووووووووووووووووووووووووون

لا تعليق

مرورك طيب و عطرك طيب

[عمران حسن]

انا من جهتي ما عندي مانع انعزم عالفطور
بس لازم تسألوني شو بحب افطر
مو هيك جوجو

[Gladiator]

انا من جهتي ما عندي مانع انعزم عالفطور
بس لازم تسألوني شو بحب افطر
مو هيك جوجو
وانا من جهتي بئلك اني مو معزوم معك أبدا

[سامر سعيد]

يا عيب الشوم عليك يا عمران هيك جرصتنا أدام العالم

يا باطل عليك يا عمران ..... هيك بتعزم العالم و بتهرب هاهاااااااا يعني عملت بالزلمة

متل ما عملت معي يا عيب الشوم عليك

خلص عيب عليك لا تحكي و لا حرف

هههسسسسسسسس

هس

هس

ولا كلمة و لا حرف بتقوم بتنزيل عالسوق و بتجيب شوية سمك على شوية فراريج

على شوية مشاوي

عم ألك سكووووت و لا تبرر جيب اللي قلتلك عليه و بعدين حكي

يلا عالسريع .... و عزيم المصارع و ا نا و ستور وشنا ادام العالم

يخرفناك آل عازمو و هربان آل ..... يا عيب الشوم عليك

[Gladiator]

وشهد شااااااااااااااهد من أهله


لك يا عيني عليك يا سامر

الرجاااااااااااااال اللي بيحكي الحق ولا شيء غير الحق

اي سيد عمران ؟؟؟؟؟؟ تاريك يا البي مشهور بضيعتك بهل الشغلة؟؟


شاطر بس تبعت مسجات وتشاور بالطلعة و فكر ثم رد خبر وتسكر الموبايل و فضي شحنوووووووو



تاريك نااااااااااااااار على علم بهل القصة

شو بدي أحكي يا اخ سامر؟؟


لسا وقت رحنا الجمعة اللي بعدها !!!!!!!

أحكي عمران او ما أحكي؟؟؟
أنو حدا بيعزم التاني بياخدو ع مكان ما في كهربا بالليل؟؟


بتصدقو في مكان بسوريا لسا مو جايتو الكهربا

ال عزمنا لعندو بس شو كهربا مافي ال

لك يا عمران شايف في زرار كهربا لك حكيلي يعني بتفصلو الساعة مشان توفرو ؟؟؟

يقلي لا بس لسا العمار جديد عمرو شي خمس سنين وما حلنا نوصل الكهربا ألو

رغم وجود برايز كهربا بكل البيت ولمحي لبراد


ع كل حال بوجود ولاد الحلال من حلبون اللي شهادتي فيها بناسها و الله - وللصراحة أكتر مو كل ناسها- لأن في منهم من .. و ... وبكل مكان في كفوه

ع كل حال لو ما أجو ولاد الحلال ونوروا علينا بضو مسحوب من سيارة إلا كنا شو عزيمة وقعدة؟؟؟


لا ورفاع اصبعتك ما بتشوفها وشو بقلي ؟؟؟ تفرج يا أبو حميد على منظر الوادي شو بجنن وشوف منظر حلبون من هون و من هون

لك قلو شلون شايف ؟؟ شو وطواط ؟؟

لك مو مبين شي من العتمة وكل ما مشينا نفوت بحيط و الله معنا حق مو شايفين


إذا : نستخلص أنو يوجد مكان بسوريا ما في كهربا لسا

العزيمة تمت بالليل و تحت جنح الظلام و بمكان ما يعرف فيه غير بنا سبحانه و تعالى

اي ونسيت قلكم و نحنا رايحين بقلي من هلأ انا ما بدي روح لهنيك لأنو بصراحة أنا زلمة مالي مروة وأكره ما علي حدا يقلي قوم جبلي كاسة مي

يعني يا ضيف جيب زواتك و مياتك معك من هلأ

و الأهم من هنيك سمعت كلمة حلوة لهلأ برددها ببالي


ما تجيبوش فينوتو ما بينشربيش


أترك لكم ترجمتها

والسلام ختاااااااااااااام

[عمران حسن]

طبعا انا اخذت احمد على مزرعة بعيدة عن حلبون وذلك بناء على طلبه

وكان الوقت ليلا وكان معنا سيارة وفيها انارة تامة

[Gladiator]

طبعا انا اخذت احمد على مزرعة بعيدة عن حلبون وذلك بناء على طلبه

لك انا شو بعرفني؟؟؟؟ جماعتك قالو قوم قمنا

وكان الوقت ليلا وكان معنا سيارة وفيها انارة تامة

ال إنارة تامة ال

تصورو سيارة بدها تضوي بيت ؟؟؟

بعدين حط ايدك ما بتشوف اشو قلبت السيارة محطة تشرين؟؟؟

[لورد حلبون]

هههههههههههههههههههههههههههههههه


لك مصارع انا شفتكم وقت كنتو بحلبون انت وعمران وكان عمران مو عارف شو يعمل مشان يقوم بالواجب معككنت انت جنب الجامع ومعك يوسف منصور وعمران راكد ركيد بدو يلحق يعل الواجب معك لك بدي سلم عليه قلي شوف هداك المصارع اللي بالمنتدى وطار طيران عالبيت
\
جاي عليه كمان فوق ما اخدك على راس الوادي اجمل منطقة عنا الهوى النقي ولا معود على دخان السيارات والعجقة بعدين وقت قلك انو مالي مروة تقلي جيب كاسة وخود كاسة هاد بدل عالاخوة الزايدة انو مافيه بينكم فرق بالخدمة لبعضكم

وانا اللي بعرف عمران منيح يقبش البي ابش مرة كان عم يكتب مموضوع وانا اجيت لعندو لك فصل الكمبيوتر كلو مشان يقوم بالواجب معي


وبالنسبة لتعليقك علهجتنا هيك الله خلقنا
تضحك على الخالق ام المخلوق

بعدين مافي احلى من اللهجة الحلبونية

وحلبون زهرة سورية

وتحياتي لكم جميعا وتقبل مروري ياسيدي الكريم

[Gladiator]

هههههههههههههههههههههههههههههههه


لك مصارع انا شفتكم وقت كنتو بحلبون انت وعمران وكان عمران مو عارف شو يعمل مشان يقوم بالواجب معككنت انت جنب الجامع ومعك يوسف منصور وعمران راكد ركيد بدو يلحق يعل الواجب معك لك بدي سلم عليه قلي شوف هداك المصارع اللي بالمنتدى وطار طيران عالبيت
\

من أصلو هاد و الشب ما حكيت عنو شي بالعكس أنا قلت حلبون ببعض من أهلها و هي شهادتي


جاي عليه كمان فوق ما اخدك على راس الوادي اجمل منطقة عنا الهوى النقي ولا معود على دخان السيارات والعجقة بعدين وقت قلك انو مالي مروة تقلي جيب كاسة وخود كاسة هاد بدل عالاخوة الزايدة انو مافيه بينكم فرق بالخدمة لبعضكم

لك أخي ليش شفت وادي من راس انا؟؟؟؟؟

وبعدين ما في فرق بينا وبعرف هالشي بس يا أخي نحنا ع مبدأ من هلأ هاه انا ما بحب حدا يقلي عطيني كاسة مي

وانا اللي بعرف عمران منيح يقبش البي ابش مرة كان عم يكتب مموضوع وانا اجيت لعندو لك فصل الكمبيوتر كلو مشان يقوم بالواجب معي

الواجب واجب لا شو بدك كمان يكمل موضوع؟؟؟
لو شغل فيها وما فيها بس موضوع بيتأجل شي أبدا من شي

وبالنسبة لتعليقك علهجتنا هيك الله خلقنا
تضحك على الخالق ام المخلوق

استغفر الله بعدين أنا قلتلكمن محبتي ألها لهلأ برددها لوحدي وكل ما بدي اشرب كولا


بعدين مافي احلى من اللهجة الحلبونية

وحلبون زهرة سورية

وتحياتي لكم جميعا وتقبل مروري ياسيدي الكريم


هاد اسمو غروووووووور و عنصرية

رجعو لسيرة حلبون زهرة مدري وين؟؟

ع كل حال أحلى مرور أخي لورد وكالعادة

مرورك طيب و عطرك طيب

[ALAMEeEeER]

ههههههههههههههههههههههههههه


لا والله ما لك حق اي يعني عزيمة بتارخ

[Gladiator]

ههههههههههههههههههههههههههه


لا والله ما لك حق اي يعني عزيمة بتارخ
ترخنالو ياها للحلبوني أكيد