زوجتك ... و لا ... شغلك ؟

[عمر الخطيب]

زوجتك......ولا......شغلك






كل نساء العالم يتهمن أزواجهم بأنهم بحبو الشغل أكثر منهن


وأنا بالنيابة عن نفسي أعترف بأن هذا صحيح..... صحيح..... صحيح.....



طيب صحيح ليه....؟؟؟؟؟؟؟

لي أسبابي ومبرراتي التي أرجو منكم التفكير فيها بعين العقل :





أولا ..........الشغل بصرف عليّ ....



بس أنا يلي بصرف عليها!!!






ثانيا........في الشغل ممكن تصرخ براحتك.. وصراخك يجيب نتيجة...


مع زوجتك صعب انك تصرخ براحتك ومهما صرخت ملح تجيب نتيجة ...


ثالثا ........ممكن تزوغ من الشغل في أي وقت من غير ماحدا يأخذ باله ويمكن حد من الزملاء يغطيك....


أنما تزوغ من زوجتك..... هيهات.....أنسى …..




رابعا ........في الشغل عندك مدير ممكن ترضيه لو اشتغلت منيح ....


إنما زوجتك لو عملت قرد...... مش ممكن ترضيها !!!



خامسا ...... الشغل لو تعبت منه ممكن تتركو بدون مشاكل.... وبسهوله ...



أنما مع زوجتك......لو روحك طلعت......لازم تسكر تمك وتفكر مليون مره.....في المحاكم والمؤخر و النفقة.... والعيال





سادسا ...... في الشغل...لو تركتو ....أو بلغت سن التقاعد بتاخذ مكافأة كبيره....ومعاش...وحفله تكريم ....


أما زوجتك لو تركتا قبل ما تموت... أنت اللي لح تدفع مكافأة ومؤخر ونفقه......وشقه كمان....... وتنحبس لو ما دفعت ..........





سابعا...... ممكن تغير شغلك وتتنقل لغيره لو لقيت شغل أحسن منه....... في حين أنك طوووول الوقت بتشوف بنات أحلى ميت مره من زوجتك بس مو قادر تغيرها...... وهذا الظلم نفسه

ثامنا......في الشغل....مؤمن عليك مشان لو حصل ألك أي شي.......



ولو حصل ألك أي شي..... زوجتك هي يلي بتقبض التأمين






في النهاية ...بذمتك مين أفضل زوجتك و الا شغلك


للتوضيح هالنهفة من بريدي والله يستر

[زمرده]

http://img149.imageshack.us/img149/4671/77su9.gif
مسكين يا ابو أنس
كنت تمساح طيب و مسالم و متسامح
كان مستخبي لك وين اللي راح يصير فيك وقت تشوف المدام كلامك

بس بذمتك ما عملت حساب لشوو ممكن يصير فيك، لك فكر في أنوووس و وساااام ع الاقل
انت فضحت مخططات تمساحية تستلزم بصراحة عقوبات زجرية بدون رحمة ولا شفقة اي


أنما تزوغ من زوجتك..... هيهات
= ناوي تزوغ اي ما شاء الله

إنما زوجتك لو عملت قرد.... مش ممكن ترضيها
= يعني بتصرح زوجتك ما بيعجبها العجب مووو، عم تسبها شي :cool:

أنما مع زوجتك...لو روحك طلعت...لازم تسكر تمك وتفكر مليون مره..في المحاكم والمؤخر و النفقة... والعيال
= :eek: يعني حامل هم المحاكم و المؤخر و النفقة و العيال و بس

أما زوجتك لو تركتا قبل ما تموت... أنت اللي لح تدفع مكافأة ومؤخر ونفقه...وشقه كمان..... وتنحبس لو ما دفعت
= كمان تفكير مادي بالاضافة الى توجهات سياسية مو حلوة بنووووووووووب

في حين أنك طوووول الوقت بتشوف بنات أحلى ميت مره من زوجتك بس مو قادر تغيرها...... وهذا الظلم نفسه
= ولييييييييييييييييييييي لا هالكلام لا يغتفر بنووووووووووووووووب
بدل ما تغض بصرك لانك راجل محصن متزوج لا انت عم تعترف انك عم تشووووووف طووول الوقت بنات
و كمان بتقول عنهم انهم احلى مية مرة من زوجتك ... يعني هلئ زوجتك ما عادت حلوة فعيونك اي
و بتلمح انك مظلووووووم شنووو ما عم تقدر تغير مراتك

يعني بصراحة يا ابو انس ما بعرف شو اقول لك
احسن شي روح اكتب وصيتك اي
خلاص مع هالجمل مستحيل اي محامي يجيب لك براءة من التهم المنسوبة الك
خصوصا مع وجود الادلة و البراهين و سبق الاصرار و الترصد
بالاضافة الى ان الاعتراف سيد الادلة و حضرتك اعترفت و صرحت بكل شي


بس بليز عمووو ابو أنس
ممكن عنوان أم أنس قبل ما تبلش كتابة وصيتك :biggrin:
بدي ابعثلها رابط هالموضوع و احاول جاهدااا اقنعها تخفف حكمها
و تنزل عليك اقصى العقوبات
و تتخد ضدك الاجراءات اللازمة
مو منشان شي
بس كرمال يدخل اسمك للتاريخ و تصير مشهووووور فعالم النت و خارج النت و الصحف و الجرائد
و يمكن مع شوية حظ تلاقي اسمك واصل لشي مجرة من المجرات المجاورة
مين قدك يا سعادة الادارة موضوع حيدخلك التاريخ
:biggrin:




****

ألف شكر الك اخي ابو أنس على هالموضوع اللطيف

تقبل مروري بليز
و اتمنى انوو ما يكون مزعج لحضرتك ...
(يعني واضح اني لازم اتفادى ارد ع المواضيع بالليل لان ردودي بتطلع مشكلجية ... :redface: )


دمت بكل خير و سعادة
الله يديم عليك و اسرتك السعادة و الهناء يا رب
تحيتي

[فارس الكلمات]

السلام عليكم

موضوع حلوو ومهضووم يسلموو ايديك عمر والله يعطيك العافية

[يوسف السكاف]

يسلم أيديك أبو أنس
فكاهة حلوة

[sweetyjojo]

والله كان شب وصغييييييييييييييييييييير



يا حوينة شبابك يا عمر



مرتك هلا محللة دمك



خخخخخخخخخخخخخخخخخخخ



انت اللي جبته لنفسك



الله يكون معك وبعونك



ادعوله يا شباب ويا صبايا



والله كان منيح وظريف معنا



ادعو بيت حماه ما يقيموا عليه الحد

[naief alkadri]

ههههههههههه

شكرا أبو أنس على هذه النهفة التمساحية الحلوة

من ايدين لا نعدمها

بس بصراحة

بطات المنتدى ناوييللك على شي

حذاري

[لحن الفداء]

يا خساره شبابك
كان راجل طيب وامير
اوالهى

هههههههههههههه
رد زمرده هو التوب

تسلم ابو انس

تحياتى
سلام

[نبعة بيسان]

رابعا ........في الشغل عندك مدير ممكن ترضيه لو اشتغلت منيح ....


إنما زوجتك لو عملت قرد...... مش ممكن ترضيها !!!

هههههههههههههههههههههههههههههههههههههههه
رهيب يا ابو انس عن جد
زوزو عطتك الزبدة تمام
يا حوينتووووووووووو تعى ودعوووووووووووووو
شفتو يا بطات كيف التماسيح عم يردو بكلمتين بس
ونحنا نازلين ردح عالزلمة
ماشاءالله حولنا وحوالينا
ما منحب المشاكل بنووووووووووووووووب
حيووووووووووووووووو زوزووووووووووووو
خليكي عم تردي بالليل دايما
وينك يا ام انس تعي شوفي زوجك شو قايل
هههههههههههههههههههههه
لا ومنزل توقيعو كمان يعني مافي مفر
علئت وما حدا سمى عليك يا ابو انس
على العموم يسلمو ابو انس على الموضوع
وياترى رح ترد ولا ؟؟؟؟؟؟؟؟؟؟؟
نحن بانتظار الرد خلال 24 ساعة من الان

توووووووووووووووووووووووووووووووووووووووت
يلا تقبل مروري طولت عليك

[عمران حسن]

ثانيا........في الشغل ممكن تصرخ براحتك.. وصراخك يجيب نتيجة...


مع زوجتك صعب انك تصرخ براحتك ومهما صرخت ملح تجيب نتيجة ...


ثالثا ........ممكن تزوغ من الشغل في أي وقت من غير ماحدا يأخذ باله ويمكن حد من الزملاء يغطيك....


أنما تزوغ من زوجتك..... هيهات.....أنسى …..


هههههههههههههههه

لاكلام بعد كل ماقيل

ابو انس رد علي
رد علي

يعني معقول يكون صايرلك شي

ههههههههه

تقبل مروري

[عمر الخطيب]

انو لو لاحظتو بأخر الموضوع هاد من بريدي فانا ما الي علاقة


انا عم انقل و بس


و للعلم أول من قرا الموضوع هية أم أنس و عدت على خير تقريبا و الحمد لله


فليش عم تشعلوها مرة تانية هع


سيتم حدف الموضوع للضرورة الأسرية هههههههه


و اشكركم عالمرور الطيب