خادمة الاعتاب المحمدية
21-Jun-2007, 09:08 PM
السلام عليكم
اول شي بدكون تعزروني لاني مو متعودة احكي فصحى
في موضوع بجد شاغلي بالي صرلو يمكن اربع ايام
صارت معي حادثة من كم يوم شغلتني
حكيت تلفون مع رفيئتي عم اطمن ع مواد كان عندها ياها و قدمتها
انا وئتها كنت مزعوجة و هي حست ع صوتي
و بالرغم من كل مشاكلها و هموها اللي انا بعرفها و اللي بررايي لو كنت انا بمحلها كنت انهرت و بس
الله يجزيها الخير طيبتلي خاطري بكلمتين حلوين و رجعتلي شوي من ضحكتي
لما سكرت تزكرت ئصة حكالي ياها اخي
ئلي انو كان في تنين بمشفى بغرفة وحدة وكان هالغرفة فيها شباك وحيد واحد منون سريرو جنب الشباك و التاني سريرو بعيد و وهاد كان ما بيئدر يتحرك و وداير ضهرو ع الشباك
و كان يسالو للي ئاعد جنب الشباك شو شايف انت
و هداك كان يحكيلو و يئلو في حديئة كبيرة وو ناس و هاد بيشوف هي و هي ام وولادها و وفي شجرة كتير كبيرة و من هالحكي
و ولا بعد فترة بيموت اللي كان جنب الشباك و هداك بيضل وحيد و بتجي الممرضة بتدخل الغرفة بيئلها اللي ضل عايش زميلي كان يحكيلي شو شايف و شو عم يصير بالحديئة معلش انتي تحكيلي لسى الشب بيشوف الصبية و ولساها الام بتجي مع ولادها
و لا هديك طلعت و ئالتلو واي حديئة و اي ولاد و وام؟؟؟؟
و ئالتلو الله يرحمو رفيئك كان اعمى و مقعد كيف كان يحكيلك و ما في مئابيل هالشباك غير حيط
يعني هداك كان رغم وجعو و رغم كمان حالتو كان بيحاول يبسط اللي ئدامو ولو ع حساب نفسو
يا ترى برايكون بزمنا في هيك شي ؟؟؟ فيو هيك عالم يا ترى في حدا منا بيتنازل عن شغلة لو وكانت بسيطة كرمال اللي مئابيلو لو ع حسابو
لما بيغلط معنا حدا منلتمسلوا اعذار و متل ما ئال الرسول عليه الصلاةو السلام التمس لاخيك سبعين عذر
و لا كلو حكي منحكيه و ما منطبئو ؟؟
انا بحس حالي ما دخلت بالحياة مظبوط لانو لساتني طالبة و ما حتكيك بشكل كبير
بس كان في شغلات كتير حلوة بامن فيها عم حس انو مو لازمة بهيك عصر
يا ترى لازم نتخلي عنها و لا الشي الاصلي بيضل موجود
شفت شغلات كتير شفت انو ائرب الناس بتتخلى عنك لسوء فهم او حتى لانون مو حاسين انت شو فيك ما بيعطوك اعذار
يا ريت تعطوني رايكون نماشي هالوئت و لا نضل ع المثل ؟؟ لو كان ع حساب تعبنا لكل العمر
نفكر بحالنا بس و لا نحس باللي مئابيلنا كمان
اسئلة كتير ببالي
و ما عم اعرفلها جواب
مشكورين و السلام عليكم
اول شي بدكون تعزروني لاني مو متعودة احكي فصحى
في موضوع بجد شاغلي بالي صرلو يمكن اربع ايام
صارت معي حادثة من كم يوم شغلتني
حكيت تلفون مع رفيئتي عم اطمن ع مواد كان عندها ياها و قدمتها
انا وئتها كنت مزعوجة و هي حست ع صوتي
و بالرغم من كل مشاكلها و هموها اللي انا بعرفها و اللي بررايي لو كنت انا بمحلها كنت انهرت و بس
الله يجزيها الخير طيبتلي خاطري بكلمتين حلوين و رجعتلي شوي من ضحكتي
لما سكرت تزكرت ئصة حكالي ياها اخي
ئلي انو كان في تنين بمشفى بغرفة وحدة وكان هالغرفة فيها شباك وحيد واحد منون سريرو جنب الشباك و التاني سريرو بعيد و وهاد كان ما بيئدر يتحرك و وداير ضهرو ع الشباك
و كان يسالو للي ئاعد جنب الشباك شو شايف انت
و هداك كان يحكيلو و يئلو في حديئة كبيرة وو ناس و هاد بيشوف هي و هي ام وولادها و وفي شجرة كتير كبيرة و من هالحكي
و ولا بعد فترة بيموت اللي كان جنب الشباك و هداك بيضل وحيد و بتجي الممرضة بتدخل الغرفة بيئلها اللي ضل عايش زميلي كان يحكيلي شو شايف و شو عم يصير بالحديئة معلش انتي تحكيلي لسى الشب بيشوف الصبية و ولساها الام بتجي مع ولادها
و لا هديك طلعت و ئالتلو واي حديئة و اي ولاد و وام؟؟؟؟
و ئالتلو الله يرحمو رفيئك كان اعمى و مقعد كيف كان يحكيلك و ما في مئابيل هالشباك غير حيط
يعني هداك كان رغم وجعو و رغم كمان حالتو كان بيحاول يبسط اللي ئدامو ولو ع حساب نفسو
يا ترى برايكون بزمنا في هيك شي ؟؟؟ فيو هيك عالم يا ترى في حدا منا بيتنازل عن شغلة لو وكانت بسيطة كرمال اللي مئابيلو لو ع حسابو
لما بيغلط معنا حدا منلتمسلوا اعذار و متل ما ئال الرسول عليه الصلاةو السلام التمس لاخيك سبعين عذر
و لا كلو حكي منحكيه و ما منطبئو ؟؟
انا بحس حالي ما دخلت بالحياة مظبوط لانو لساتني طالبة و ما حتكيك بشكل كبير
بس كان في شغلات كتير حلوة بامن فيها عم حس انو مو لازمة بهيك عصر
يا ترى لازم نتخلي عنها و لا الشي الاصلي بيضل موجود
شفت شغلات كتير شفت انو ائرب الناس بتتخلى عنك لسوء فهم او حتى لانون مو حاسين انت شو فيك ما بيعطوك اعذار
يا ريت تعطوني رايكون نماشي هالوئت و لا نضل ع المثل ؟؟ لو كان ع حساب تعبنا لكل العمر
نفكر بحالنا بس و لا نحس باللي مئابيلنا كمان
اسئلة كتير ببالي
و ما عم اعرفلها جواب
مشكورين و السلام عليكم