هل لديك الشجاعة

[mimi]

هل لديك الشجاعة ..؟؟!

--------------------------------------------------------------------------------


هل لديك الشجاعة والقدرة على التصريح بأسوأ طبع فيك؟

اذا كان الحديث عن اطباعنا الحلوة وصفاتنا الخيالية فحدث ولا حرج في اسهابنا في الحديث عن أنفسنا ....
بعضنا بطرق مباشرة جدا مثل...
انا طيب...انا حبيب...انا كريم....انا عمري ما جرحت انسان...انا موضوعي ....انا اراعي مشاعر الاخرين....انا حلو...انا باقيلي طبع واحد واصير كامل الاوصاف ...انا اكثر صفة حلوه فيني اني كلي على بعضي حلو....الخ
وطرق غير مباشرة مثل...
يقولوا الناس اني حلو....يقول اصحابي اني شخصية محبوبة كثير....انا مو عارف شنو سر انجذاب الناس لي ...اصحابي ما يجتمعون الا اذا كنت انا بينهم....قد ما يجرحوني الناس بس ماادري ليش مااقدر اجرحهم ...الخ
واذا كان مديح النفس مبغوض الى حد كبير لماذا يتعدى الحدود فبالمقابل يمكن ان يكون مقبولا ومغضوض البصر عنه في بعض الحالات بل ربما يكون محببا اذا لم يتجاوز الحد ..
.
ولكن....!!!
من منا يستطيع ان يغربل صفاته واطباعه ليعرف اطباعه وصفاته الـ(مو حلوة) وفي رواية اخرى المشينة مرة
وهنا بالتحديد فيه شي مهم جدا ...ان فيه ناس حتى وهي تريد تعترف تحاول ايضا ان تمدح نفسها مثل .....
انا اكثر عيب عندي
اني اسامح الناس بسرعــه انا اكثر شي اكرهه اني شديد الأنفعال.
...الـــــ,ــــ,ــــ,ــخ

وهكذا ..

مين الي عنده الشجاعة يعترف بصراحة باكثر طبع مو طيب فيه ....واللي يتمنى بنفسه يتخلص منه ؟؟
و الحين كل عضو يقــــول الي عنده وياليـت تكون بصراحه



انا رح بلش بحالي

انا اسوأ طبع فيني اني كتير مزاجية

تحياتـــــــــــــــي

[omarzin]

موضوع روعة وبدو صراحة عن جد

شكرا لك mimi

وهي انا رح كون أول المشاركين

....................

أنا أكثر شيئ أكرهه بنفسي هو الثقة العمياء بالغير

[THE_LEGEND]

أنا كمان


كتير مزاجي



بعصب بسرعة

[mimi]

اخ عمر اخ العربي شكرا عا الصراحة

نورتو مشاركتي

تحياتي

[Gladiator]

مشكوووووووووورة أخت ميمي


والله بصراحة أنا عندي مشكلة بحصر ايام بقلبي وهاد الشي كتير مزعووج منو لو حدا بيعرف حل يسعفني بكون ممنو

[mimi]

هادا طبع المحاربين

بس هيك بتضر حالك احسنلك تفش خلقك

وما تخلي شي بقلبك بترتاح

[Gladiator]

إن شاء الله أخت ميمي

مشكوووووووووووورة

[Gladiator]

دوم مو يوم أبو أنس

[خادمة الاعتاب المحمدية]

وو الله بجد موضوع حلو

انا يمكن عصبية بس انو الحمد لله رب العالمين عم حاول سيطر ع الوضع

يعني لما نحط ببالنا نتخلق باخلاق الرسول صلى الله عليه و سلم بظن انو منصير تمام

الله يحمينا من الرياء

مشكورة ميمي الامورة

[خادمة الاعتاب المحمدية]

بس عفوا تعليق ع مشاركة الاخ غلاديتير
برايي ركعتين ابل الفجر بتحكي كل شي فيهون
و بتناجي رب العالمين ما بيصير بيهمك شي
و بتنسى كل شي و بلعكس نهارك مو بس بيكون عسل بيكون عسل و ئشطة

لساعات الليل سهام لا تخيب

[mimi]

الاخت خادمة الاعتاب المحمدية

العصبية مرض العصر بس متل ما قلتي اللي بيناجي ربوا

بيصير نهارو مليح وبيرتاح

شكرا لمشاركتك

وشكرا للجميع

[نور العيون]

انا عصبيه كتير :16:
موضوع حلو ميمي
دغري بعصب بس دغري بروق
يعني
شي بغطي على شي
تقبلي مروري
:17:

[خادمة الاعتاب المحمدية]

هو الصراحة انا بعصب بس بتمالك نفسي
و بعدين ما بستحي اني اعتذر من اللي غلطتت معو
مع انو هع انا ما بهعصب غير ع الشي اللي بيعصب طبعا

مشكورين

[mimi]

ليش شو فيه ها الايام مااااااا بيعصب

شكرا لمروركم الكريم

[THE_LEGEND]

أنا كل يوم على حال



فممكن كل يوم كون شجاع ؟؟؟؟؟؟؟؟؟؟

وعبـــــــــــــــــــــــر

[الموعد المهجور]

قد يسامح المرء من كان سببآ في غضبه بسرعه شديده


وبالاخص حين يكون الامر جارح جدآ ومغضب لدرجة الخطوره على صحة الغاضب


قد يسامح بسرعه خوفآ من الا يكون هنالك وقت او فرصه ليسامحه فيها فيما لو تأخر

[sam]

لا لا أملك الجرأة
لأن أبوح بما في داخلي وبما لا يجب أن يعرفه أحد
وليكتشف الآخرون عيوبي ويهدونني إياها لكن أنا فلا

[زهرة البنفسج]

اي مابحب شي فيني انو مابسكت على كلمة
وكل شي بخصني بقولو للكل يعني مافي سر بحياتي وهاد الشي بسببلي المشاكل

[سلامة آل مكتوم]

حجبني الموضوع المتألق

[بنت المرصد]

منيح يللي نكشتي هالموضوع الأديم إختي سلامة!

إختي ميمي شبدي عد لعد من طباعي يللي بيؤولوا عنها الناس إنها عيوب,
بس أنا أكترها عاجبني وما بحاول غير منها شي!
يللا خدوا لشوف:


أنا:
جئرة, يعني عنيدة وراسي يابس!
ولساني طويل وإيدي أطول, يعني "باباحسن"!
وبصلتي محروأة, يعني عجولة!
وعصبية لآخر حد, يعني إزا "هشت" بكسر وبضرب!
وموسوسة من ناحية النضافة, وهي ما بدها يعني!
وأوية كتير, يعني باخد حئي بإيدي!
وصريحة لدرجة الوقاحة, يعني بحط إصبعتي بالعين العورة وبؤول لصاحبها إنت أعور!
وهادا العيب بعترف إنو مو ظريف بنوب,
بس ما بعرف جامل, وبعتبر المجاملة نوع من النفاق!

إزا بدكن في كمان,
إطلبوا ما تستحوا!

[صمت الياسمين]

انا عيبي اني حنونة زيااااااااااااااااااادة عن اللزوم وهادا الشي تاعبني

[مدبر حارة الحلابنة]

مشكلتي بشرب أركيلة كتيييييييييييير
هل من حل

[القنــاصه[مي]]

بجامل عحساب حالى
يمكن ماتسدئو لدرجة انى حسمت حياتى تمامآ مع حدا عم جاملو
ماباخد حئى من حدا لو شو ماساوى فينى
بدحك بوش اللى بيطعنى مشان ما يزعل من حالو
بتأسف وبخجل اذا اخدت حئى من حدا تعدى على
كل اللى بيعرفونى بيتعدو على بكل الاشكال لانى ساذجه وجبانه
مابظن فى صراحه اكتر من هيك

[مدبر حارة الحلابنة]

عن جد اكتر من هيك مافي
شكرا لك

[همسة صمت]

شكراً لكِ ميمي
أماأنا ممكن حب شخص لأجل كلمة أو موقف تصرفو
وكون بعمري ماشفتو

[al7Ooob]

انا سريع العطب وذلك يكلفني الكثير

[wael]

أكيد عندي الشجاعه

مزاجي لابعد الحدود

سريع الملل

غير اجتماعي

تنـــــــــــــح

بحب الجكر والاستفزاز الاخرين

(( يعني إذا حدا طالع ضغطو أكيد السبب أنا ))


حقي مابيموت لو بعد سنه بأخدو

[صمت الياسمين]

سريعة البكاء دموعي حاضرة ممكن اي شي ببكي الطفل يبكيني

[فادي]

شكراً الك أخت ميمي.................


أنا أكتر شيء بكرهه في حالي!!!!

إنو قلبي كتير طيب

لذلك معظم الناس بيستغلوا طيبة قلبي

وبخونوا العشرة والحب

[أحلام المصري]

الآن...
أجد من أهم عيوبي و هي عديدة...
لا أنكر
أجد أهمها أني أظن واهمة أن الموضوعية شيء سهل .
:
بينما هي أصعب ما يمكن أن يصل إليهـ بشر..
:

[aymanasad]

انا اكتر شي بكرهو بحالي ..

اني بحب العزلة يعني مابحب اخطلط مع الناس كتير او ماعودة حالي على هيك شي

طيبة قلبي

كثير التفكير او الشرود مما يؤدي الى دخولي في اخطاء انا بغنى عنها

بحب عيش بالخيال او احيانا بعيش حالي بالخيال لحتى اتخلص من شي زاعجني

[صمت الياسمين]

كتيرعاطفية ....
مابعرف اكشف الاخرين ونواياهم يمكن باخد كل شي بحسن نية كتير سهل انخدع
مابقدر اقسى حتى لو اي حدا غلط معي الف مرة برجع بسامح وبوقع بنفس الورطة .....
مابعرف خبي مشاعري واحاسيسي رومانسية لدرجة انو رومانسيتي عم تسببلي احيان مشاكل من دون مااقصد
بنجرف مع الاخرين بمشاكلهم بسرعة وبتعاطف معهم بصدق شديد يوحي لهم اشياء غير ماافكر انا
بواجه احزاني بصمت مع كثير من الدموع ممكن مااحكي لحدا شو هاممني حتى لاقرب الناس ممكن ابكي على كتفو ساعات ومااقدر احكي شو الي مبكيني
وممكن احيان ارتاح لانسان واحكيلو وهاي نادرة جدا
هلأ بس وقت اتذكر شي تاني برجع ...